السلام عليكم ورحمة الله وبركاتة المتابع للوضع الحالي بمصر مش هيشوف بداية النهاية ، لا هيشوف نهاية النهاية !
الي خلاني اكتب بصراحة الموضوع ده ان اجمل مدن مصر من غير كهرباء او مصر تقريبا بقت من غير كهرباء
بالصدفة
عرفت ان الاسكندرية مقطوعة عنها الكهرباء او مش عايزين نكون ظالمين بعض
احياء اسكندرية بدون كهرباء مش ساعة ولا ساعتين ولا ستة ساعات الى
غاية كتابة السطور ديا والكهربا مقطوعة من الساعة التاسعة
مساء وانا بكتب الموضوع ده الساعة الواحدة بعد الظهر يعني الى الان اكبر احياء اسكندرية من غير كهرباء من 17 ساعة
تخيلو في الجو الحار ده وفي رمضان ناس بدون كهرباء !
من طبعي احب ابحث ورا كل حاجه قلت اتصل على شكرة الكهربا بالاسكندرية (لقيتهم نايمن ) اه موظف نايم رد عليا
المهم وانا بكلم الموظف رد بطريقة المتعود على الشكاوي قالي بالحرف ( من الاخر حضرتك عايز ايه )
قلتلو يعني تقريبا هترحموا الناس دول امته وترجعو الكهرباء
ضحك وقال وهوا انا بعلم الغيب وقفل الخط .
قلت اتصل بالمسؤلين الكبار شوية والي قدرت احصل على ارقام تليفوناتهم الارضية والمحمول
وياريتني ماتصلت !
لأن الاعذار الي قالوها تكسف والله مش هتصدقوا
اول
سبب ان المحطات بتشتغل بنص طاقتها ليه ؟ قالو بسبب نقص الغاز الي بتعتمد
عليه المحطة في توليد الكهرباء ، عارف كلكو هتقولو مصر بتصدر غاز لاسرائيل ،
لان تل ابيب ومواطنين تل ابيب والمستوطنات عند الحكومة دي اهم من
اي محافظة مصرية ، ايش جاب لجاب .
تاني
سبب الشبكة مش مستحملة زيادة في احمال الكهرباء وممكن تضرب في اي وقت ،
يعني هما بيقطعوا الكهرباء بمزاجهم مش حكاية اعطال ، يبقى ايه الفرق لما
تقطع الكهرباء عن الناس 16 ساعة وتقولوا بنحافظ على الشبكة لا ياسيدي
خليها تضرب هيا وبلاش تقطعوها انتوا
نيجي لقائمة الفساد الخاص بالكهرباء بداية من فوق لغاية المسؤلين عن كهرباء اسكندرية
1-حسن يونس وزير الكهرباء ( فاسد )
2-محمد عوض رئيس الشركة القابضة لكهرباء مصر (فاسد )
مسؤلين كهرباء اسكندرية
1-ابراهيم خليل ابراهيم ماضي
رئيس مجلس الاداره والعضو المنتدب لشركة الاسكندرية لتوزيع الكهرباء (فاسد )
2-محمد سعيد عبد الفتاح - عضو مجلس ادارة (فاسد )
3-المهندس/ محمد عبد المنعم الجزار - عضو مجلس ادارة (فاسد)
4- المهندسة/ عفاف احمد البدوي = = = = = = = (فاسدة )
5-المهندس / سيد مختار احمد = = = = = = ==(فاسد )
6- المهندس / محمود سعد محمود بلبع رئيس قطاعات الانتاج بشركة وسط الدلتا لانتاج الكهرباء (فاسد)
دي
قائمة بالمسؤلين عن الي حصل بمدينة الاسكندرية وياريت اي حد عنده قائمة
تابعة للمحافظة او المنطقة الي بيسكن فيها ينزل قائمة الفاسدين هنا
يمكن يتكسفوا
لان مصر مش العراق ولا الاسكندرية البصرة
بالرغم من انها تعاني من حرب واحتلال وفساد حكومي بس مش بيحصل فيها الي بيحصل في مصر من مساس بالخدمات الاساسية لحياة المواطن
ارحموا الشعب بقى .
المزاج