كل مايخص البشرة الجافة او الحساسة وكورس لعلاجها

ماهي البشره الجافه :

هى بشره ليست من البشرات الطبيعيه يعني ربنا مش خلقك كده انت اللي عملت كده ف نفسك
انت نتيجه افراط او تفريط

ياصاحبه البشره الجافه لازم تعرفي ان :

* انت سبب ف كون بشرتك جافه فاخلعي قناع البراءه وان مالكيش ذنب
* وقف سبب الجفاف اهم من العلاج يعني لو نقص مياه اشربي لو استعمال منتجات ضاره بطلي لو عنايه اهتمي
* شرب المياه ليكي هو رقم واحد ف العلاج
* ان اي ميكب رخيص هيدمر بشرتك
* اي غسول او مناديل مبلله فيها كحول هتدمر بشرتك وتحولها من جافه الي
حساسه فلازم اي منتج يكون خال من الكحول والمناديل تكون للاطفال
* اي صابون ( طبعا حفظنا مش لوكس وكامييه ) لازم يكون فيه زيت زيتون او جلسرين
* اي ماسك لشد البشره تعمليه قولي علي بشرتك يا رحمان يا رحيم
* اللبن هو العلاج رقم اتنين لبشرتك سواء بالشرب او بالكامدات الساقعه لبشرتك
* اي زيوت حاميه ع البشره مباشره من الممكن ان تلهبها فلاضمن اخلطيها بكريم مرطب
* لااااااااااااااااازم صن بلوك قبل الخروج ف شمس حاميه لان بشرتك مجهده طبيعي
* ان اي كريم مرطب لو حرق بشرتك اعرفي انها بدات تشقق حتي ده لو مش ظاهر ما
تقلقيش لو احمرت ده رد فعل منعكس طبيعي استمري ع الكريم تلات ايام عشان
تعالجيها

الممنوعات :
* ممنوع تفركي وشك نهائي بحجه انه مترب
* ممنوع اي ماسك لشد البشره واي ماسك يكون بس للترطيب
* شرب القهوه بكثره او عامه اي منبه
* ف الشتا ممنوع غسل الوجه بماء دافئ ويكون فاتر وتنشفي وشك فورااااااااااااا
* وضع اي ميكب اثناء تقشر البشره
* وضع اي كريم ماركه مجهول اثناء او غير اثناء تقشر البشره
* ممنوع العند وعدم سمعان الكلام

طب هيه مين البشره الحساسه :

هي اي نوع من انواع البشره كلها اخدت رد فعل مضاد تجاه اي منتج يتم وضعه عليها ومهما عملتي بريئه انت السبب ف الاخر

ايه ده يعني ممكن دهنيه وحساسه مش جافه بس؟

اه ده اغلبيه الدهنيه حساسه لان اغلبيه صاحبات البشره الدهنيه عندهم اقتناع
ان كتره الغدد الدهنيه = ان البشره دي عديمه الاحساس ولازم تتربي وحطي
بقي يالا
فطبيعي اي بشره ليها اخرها يعني صاحبه البشره الجافه ليها اخر ان وشها
حرقها فتقول طب ابطل فبتلحقها قبل ما تتحول للحسساسه لكن صاحبه البشره
الدهنيه للاسف بتكتشف جريمتها بعد فوات الاوان
ايه مواصفتها طيب

ان وشك محمر طبيعي وياسلام لو غلطتي ومشيتي ف الشمس طمطمايه كده قمر
ان اول ما تحطي والله لو لبن تحمر وتطلع حبوب ( خلاص بشرتك بتقولك بكرهك امشي من قدامي )
ان مش نافعلها اي ماسك
ان مش نافع لها اي كريم
انها ف الصيف ملتهبه وف الشتا مقشره وملتهبه ع الاخر

يا صاحبه البشره الحساسه لازم تعرفي ان :

*اصبري علي بشرتك هيه مخاصماكي اه بس لكل مشكله حل
* ان بشرتك محتاجه غذا داخلي وخارجي
* ارحمي بشرتك وقومي ارمي كل المعمل اللي انت جربتيه فيها ( ده فرانكشتين ما عملش اللي انت عملتيه )
* اوعي تفتكري انك زي الباقيين مشكله من خطوه واحده وخلصت انت خطوتين الحساسيه ومشكله ان بشرتك اصلا يجب ان تعالج من تكرار الحساسيه

الممنوعات :
اطلعي تاني اقري الممنوع منه البشره الجافه

كورس العنايه بالبشره الجافه - الحساسه

الكورس مدته عشر ايام

نسمي ونبدا - بسم الله الرحمن الرحيم
*اولا زي ما قولنا هنبعد عن مسببات الدمارقولنا هنبعد عن الميك اب - مش محتاجين وجه نظر علميه فيها دي هتقولولي
والحكل ليه لاء هقولكم وقف الميك اب ككل هيوقف استخدام غسول الوجه
ومناديل ازاله الميك اب وكمان الكونسلر والكحل و المسكره عده اسباب لظهور
الهلات السوداء بالاخص الكونسلر طب وهنبعد عن كريمات التفتيح ليه - لان كل كريمات التفتيح كلهاااااااااا تسبب جفاف البشره

طبعا ممنوع وضع زيوت نهارا - لان الزيوت في ضوء السمش بتتاكسد

اكيد ممنوع ع الصبح كده تجيبي قطعه تلج وتمرريها علي وشك انتو اخركو ميه ع الصبح ولا حرام ممكن صبونه خفيفه نابولسي شاهين او اختها نيفيا بالجلسرين ممكن دوف ممكن سموث فيس بردة

تنشيف الوش بالفوطه
-البشره اللي بتعاني من اي شئ في اي شئ
ياريت ما تستخدمش المناديل المعطره ولو استخدمتى تبقى ايزي كير بيبي خاليه من الكحول او مناديل جونسون ودي بقي تحفه مناديل بالكاموميل وزيت اللوز يعني تمسحي بيها وشك وانت مغمضه حتي مناديل ازاله الميك اب المكتوب عليها خاليه من الكحول لا تستخدميها

البشره (الحساسه طول العشر ايام اغسلي وشك بلبن وبس )

معلش بقطنه وحطي زيت زيتون علي وشك لمده نص دقيقه وامسحيها بقطنه بردو هتعرفي انك كنت بتلعبي في الطينه مش غاسله وشك

بالليل لو بتستخدمي كولاجين وقفيه طول لفتره دي - الكولاجين مع بشره حساسه ممكن يسبب التهابات وانتفاخ في الوجه

طب حاجه مهمه اوي البشره الجافه مشكلتها ايه الجفاف اكيد من اسمها يعني انا بتكلم علي الجافه بس مش الحساسه
ممنوع اي كريم تفتيح ليلي - او ميه الورد ليلا - ميه الورد بس لما نرجع من بره ومره واحده في اليوم كترها هيهلك البشره الجافه

البشره الحساسه مشكلتها ايه الحمار والالتهاب والتشققات
ممنوع اي مرطب حامي اثناء فتره العلاج كجنين القمح وزيت اللوزالجلسرين والفازلين غير ممنوع
ممنوع ميه الورد ممنوع كريم التفتيح الليلي

الكل ممنوع من الشيكولاته اثناء فتره العلاج او الشطه او السجاير
يستحسن عدم التعرض في الشمس فالطالبات تصبر لاجازه علشان النتيجه تبقي تمام
والموظفات لو شغلك الصبح قبل عشره يبقي كويس وهنتكلم علي مشكله الشمس واحنا راجعين

وندخل علي التقيل وهو البرنامج اليومي لمده عشر ايام

نبدا الكورس بقي

صحينا من النوم نروح نطلع مكعب التلج والمعلقتين من الفريزر ( احم حاطينهم من بالليل المفترض عدوها )

مكعب التلج هنحطه في منديل قماش او حته قماشه ونمرره علي وشنا هي دي الطريقه الصح انه ما يكونش مباشر علي البشرهالمعلقتين علي عنينا لغايه ما البروده اللي فيهم تروحنغسل وشنا بالصابونه بتاعت الاستيقاظ

هنشف وشنا بالطبطبه عليه ومحايلته علي اللي عملناه فيه مفيش ميه ورد هه مفييييييييييييييييش

هنحط كريم الصباح كل علي حسب وقته

ونااااااااااااااااااااااااكل كبااااااااااااااااااااااااايه زبادي عليها معلقه عسل (اجباري ومش بالمزاج )

حاولو تسيبوا معلقه وتسيبوها بره مش في التلاجه
وناخد تفاحه معانا في الشغل ايوه رخامه وخدي سكينه معاكي علي الضهر كوليها
وربات البيوت ياكلوها علي الساعه
12السبب العلمي دي
بجد مش رخامه مني بس المعده علي الساعه 12 بتبدا في عمليه تفريغ السموم
منها علشان كده لا ينصح بالاكل نهائي في التوقيت ده لان ده وقت تراكم
السموم لاخراجها والتفاح بيشتغل كانتي اوكسدانت حلوه بالعربي يعني مضادات
اكسده هيساعد السموم انها تخرج من الجسم بسهوله شوفتو مهم ازاي تاكلوها الساعه12

هنشيل الكريم ونحط جديد كل ساعتين بالمناديل المبلله وهنحط الكريم المختار عند المرواح رجعنا هنغسل وشنا بالصابونه المرطبه كل علي حسب نستني شويه ونحط زيت الزيتون لمده نص دقيقه نمسحه
بمنديل معطر (ونحتفظ بيه بجد مش بهرج شوفي وشك اول يوم هيخرج ايه واخر
يوم من العشره هيخرج ايه علشان تعرفي انه مش من الجو ده من بشرتك من جوه )

بجيب ميه الورد الساقعه الجميله ونحطها بقطنه علي وشنا ورقبتنا ونسيبها شويه ولو بشرتك ملتهبه او محمره بلاش منها الخطوه دي نهائي

هنام خلاص طب ركزي معايا يالا

يوم هنعمل ماسك الزبادي بالعسل ويوم هنحط الخليط ده يعني خمس ايام كده وخمس ايام كده

البشره الجافه هتخلطي معلقه زيت اللوز المر + معلقتين زيت لوز حلو + معلقه زيت زيتونحطيه لمده 20 دقيقه وامسحيه بمنديل مبلل او محطوط عليه اي كريم مرطب عاديالبشره الحساسه اخلطي معلقه جلسرين علي معلقه زيت زيتون وحطيهم 20 دقيقه وامسحيهم بمنديل فيه كريم مرطب بردو
خلاص شيلنا
قبل ما تنامي وتحلمي كل الاحلام السعيده ببشره عاديه مريحه حطي الكريم ده ونامي نومه لذيذه كريم نيفيا سوفت علي معلقه او معلقتين زيت زيتون وبس

اختكم
anonaaaaaaaaaaaa